Қытай жер сілкінісінен үш адам қаза тапты

0 5

Қытайдың оңтүстік-батысында болған жер сілкінісінің салдарынан үш адам қаза тапты, 60 адам жарақат алды.

Сычуань провинциясының 7 мыңға жуық тұрғыны қауіпсіз жерге көшірілді, деп жазады ТАСС.

Қытай сейсмологиялық орталығының мәліметінше, магнитудасы 6,0-ге тең жер сілкінісі бейсенбі күні таңертең жергілікті уақыт бойынша 04:33-те Лучжоу қаласының Лу уезі ауданында тіркелген. Онда 4,25 миллионнан астам адам тұрады.

Жер сілкінісінің көзі 10 км тереңдікте жатыр. Сағат 04: 55-те 2,8 магнитудасы жер асты дүмпулері тіркелді, деп хабарлады сейсмологтар.

Бұған дейін Еуропа-Жерорта теңізі сейсмологиялық орталығы Сычуань провинциясында магнитудасы 5,4 болатын жер сілкінісі болғанын хабарлаған. Оның айтуынша, жер сілкінісінің ошағы шамамен 689 мың халқы бар Цзигун қалалық ауданынан шығысқа қарай 62 км қашықтықта орналасқан.

 

Leave A Reply

Your email address will not be published.