COVID-19 індеті қай жерден шыққаны белгілі болды
Ауру ошағын ғалымдар анықтады
АҚШ, Ұлыбритания, Франция және басқа елдерден келген ғалымдар тобы коронавирустың таралу көзі Қытайдың Ухань қаласындағы теңіз өнімдері екенін дәлелдей алды. Бұл туралы америкалық Cell ғылыми журналында жарияланған мақалада айтылған, деп хабарлайды Jambylinfo.kz
Базардан алынған генетикалық материалдың үлгілерін зерттегеннен кейін олардың коронавирустың ортақ генетикалық сипаттамаларына сәйкес келетіні анықталды. Жануарлар ұсталатын торлардан, оларды тасымалдауға арналған арбалардан және канализациялық арналардан коронавирус іздері табылды. Алынған үлгілер бүкіл пандемияның ортақ генетикалық түрімен үйлесімді болды.
Ғалымдар вирустың таралуының екі гипотетикалық нұсқасын сипаттайды: жануарлардан (нақты қандай түрді анықтау мүмкін болмады) адамдарға жұққан немесе керісінше, адамдар оны базарға әкелген. Сонымен бірге жарқанаттардың генетикалық материалы табылмады. ДДҰ 2021 жылы бұл жануарлар инфекция көзі болуы мүмкін екендігін және осы COVID-19 таралуының ең ықтимал сценарийлерінің бірі екенін айтқан болатын.
Қытай коронавирустың зертханада пайда болуы мүмкіндігін жоққа шығарып, елдің беделін түсіруді және мәселені саясиландыруды тоқтатуды талап етті.