Журналист, қаламгер Құралай Сейсенбекқызы студенттермен кездесті
Кездесу еркін форматта өтті
Ш. Уәлиханов атындағы Жамбыл облыстық әмбебап ғылыми кітапханасында Қазақстан Журналистер Одағының мүшесі, қаламгер, облыстық «AR-AI» жастар газетінің тілшісі Құралай Сейсенбекқызы жастармен кездесті, деп хабарлайды Jambylinfo.kz.
«Журналистика - армандаған мамандық» тақырыбында өткен кездесуде Құралай Сейсенбекқызы журналист мамандығының қыр-сыры жайында кеңінен баяндап, еңбек жолында кездескен қызықтар мен қиындықтар туралы әңгімелеп берді.
Сонымен қатар, қаламы қарымды қаламгер кітапхана оқырмандарының қазіргі қазақ журналистикасы төңірегінде және жеке шығармашылығына қатысты сауалдарына жауап беріп, еркін пікір алысты.
