Ұлыбритания билігі коронавирустың жаңа мутациясы қауіпті екенін ескертті

29

Лондон Императорлық колледжінің профессоры Венди Барклай Ұлыбританияда анықталған коронавирустың жаңа штаммы жасушаларға ену қабілетінің жоғары болуына байланысты балалар үшін аса жұқпалы болып келетіндігін мәлімдеді.

Бұған дейін Ұлыбритания билігі коронавирустың жаңа мутациясы COVID-19 басқа түрлеріне қарағанда 70 пайызға жұқпалы екенін атап өткен болатын.

Оксфорд университетінің ғалымдары, AZD1222 атымен белгілі коронавирустық инфекцияға қарсы вакцинаны жасап жатқан AstraZeneca фармацевтикалық компаниясымен бірге аталған вакцинаның тиімділігін арттыруға қабілетті жаңа формуланы анықтады. Бұл туралы компанияның атқарушы директоры Паскаль Сорио мәлімдеді. Қараша айында препараттың коронавирустан қорғау деңгейінің тиімділігі орта есепппен 70% көрсеткен болатын, бұл негізгі бәсекелестердің көрсеткіштерінен едәуір төмен болатын.

Израиль мемлекетінде пандемия басталғалы үшінші локдаун енгізілді. Тұрғындарға үйлерінен бір шақырымнан артық қашықтыққа себепсіз шығуға тыйым салынды, бірінші қажеттіліктегі тауарлар мен қызметін ұсынбайтын барлық дүкендер мен кәсіпорындар жабылды.

egemen.kz