Денсаулық сақтау саласының өкілдері марапатталды

0 18
Республика күні қарсаңында Жамбыл облысы әкімдігі денсаулық сақтау басқармасының басшысы Жанар Оспанова медицина қызметкерлерінің тобына ведомстволық наградалар табыс етті.
Салтанатты рәсімді ашқан Жанар Мықтыбекқызы жиналғандарды Республика күнімен құттықтады.
— Құрметті Денсаулық сақтау қызметкерлері мен ардагерлері! Биыл Қазақстан Президенті Қасым-Жомарт Тоқаевтың Жарлығымен 13 жыл бойы аталып өтілмеген Республика күні қайтадан ұлттық мереке мәртебесіне ие болды. 25 қазан — біздің еліміз үшін маңызды күндердің бірі. Дәл осы күні 1990 жылы Қазақстанның Егемендігі туралы Декларация қабылданды. Бұл ел тәуелсіздігіне алғашқы қадам болды. Біз демократиялық, құқықтық және экономикалық тәуелсіз мемлекет құрдық. Біздің Республикамызда болашаққа сенімді қарау үшін жеткілікті инновациялық технологиялар, білікті кадрлар, білім берудің, денсаулық сақтаудың, мәдениеттің заманауи жүйелері бар. Бұл мереке — көпұлтты Қазақстан Республикасы халықтарының бірлігі, татулығы мен келісімінің символы. Біздің Қазақстанымыз нығая берсін, әл-ауқат күн сайын арта берсін, әр үйде бейбітшілік пен бақыт болсын.
Денсаулық сақтау — кез келген мемлекеттегі ең маңызды салалардың бірі болып табылады. Тәуелсіздіктің 30 жылында отандық медицина айтарлықтай биіктерге жетті. Жамбыл облысының медицинасы да қарыштап дамып келеді. Демография мен денсаулық жағдайының көрсеткіштерін, инфрақұрылымды жақсартуды, жоғары технологиялық медициналық қызметтерді енгізуді қоса алғанда, айтарлықтай оң өзгерістерге қол жеткізілді. Жүргізілген мемлекеттік денсаулық сақтау реформаларының басты жетістігі — Жамбыл облысы халқының орташа өмір сүру ұзақтығын 1992 жылғы 67 жастан 2020 жылы 72,7 жасқа дейін ұлғайту болып табылады. Алда халықтың денсаулығын одан әрі қорғау, облыс халқының өмір сүру сапасы мен өмір сүру ұзақтығын жақсарту жөніндегі жаңа мақсаттар мен міндеттер тұр. Біздің республикамыздың бейбітшілігі мен өркендеуі — әрбір үйдің келісімі мен амандығы, — деді Жанар Оспанова.
Облыстың бас дәрігері денсаулық сақтау жүйесін жетілдіруге белсенді қатысқаны және халықтың денсаулығын нығайтуға қосқан елеулі үлесі үшін бірқатар медицина қызметкерлеріне ведомстволық наградалар табыс етті. Жамбыл дәрігерлері ҚР Денсаулық сақтау министрлігінің «Еңбек ардагері» медальдарымен, ҚР ДСМ «Денсаулық сақтауды дамытуға қосқан үлесі үшін» және «Денсаулық сақтау үздігі» төсбелгілерімен, ҚР Денсаулық сақтау министрінің Құрмет грамоталарымен және Алғыс хаттарымен  марапатталды.
Leave A Reply

Your email address will not be published.