АШМ үй құстарының жаппай қырылу себебін түсіндірді

59

Үй құстарының жаппай қырылуы Қазақстанның бес облысының 47 елді мекенінде тіркелген. Бір-екі аптаның ішінде жеке аулаларда 14 мыңнан астам бас және Солтүстік Қазақстанның құс фабрикасында 41 мың құс қырылды. Ауру жабайы үйректерден жұққан. Бұл туралы Орталық коммуникациялар қызметінің брифингінде Ауыл шаруашылығы вице-министрі Гүлмира Исаева мәлімдеді.

«Эпизоотиялық талдау көрсеткендей, аурудың таралуы солтүстіктен оңтүстікке қоныс аударатын жабайы құстың өлімінен басталған. Бірлескен су қоймаларын пайдалану арқылы жұққан. Зертханалық зерттеулердің нәтижелері бойынша «жоғары патогенді құс тұмауы» диагнозы қойылғаннан кейін республикалық қордан вакцина бөлінді. 1, 4 млн.доза. Бұл 4,7 млн. бас құсты вакцинациялауға мүмкіндік береді. Сонымен қатар, 3,5 млн.басты қамту үшін қосымша 1 млн. доза жеткізілетін болады. Жыл басынан бері ветеринарлық бақылау және қадағалау комитеті өңірлерге 3,4 млн. құс тұмауына қарсы вакциналардың дозаларымен, жеке аулалардағы 11,8 млн. бас құс вакцинациямен қамтылды»,-деді вице-министр эпидемиологиялық жағдай туралы.

ortcom.kz