Атырау мұнай өңдеу зауыты штаттық режимде жұмыс істеп тұр – ҚМГ
Кеше әлеуметтік желіде Атырау мұнай өңдеу зауытында апат болғаны хабарланған
«ҚазМұнайГаз» АҚ Атырау мұнай өңдеу зауыты штаттық режимде жұмыс істеп тұрғанын хабарлады. Бұған дейін зауытта апат болғаны және оның мән-жайын анықтайтын комиссия құрылғаны белгілі болған еді, деп хабарлайды jambylinfo.kz.
Компанияның баспасөз қызметі хабарлағандай, қазір Атырау мұнай өңдеу зауыты штаттық режимде жұмыс істеп тұр.
«АМӨЗ қазір штаттық режимде жұмыс істеп тұр. «ҚазМұнайГаз» басқарма төрағасының тапсырмасымен кешегі әлеуметтік желіде тараған мәліметтердің қорытындысы бойынша тексеру жүргізу үшін жұмыс тобы құрылды. Жұмыс тобына мүшелер сайланды», - деп хабарлады бейнеүндеу арқылы «ҚазМұнайГаз» АҚ басқарма төрағасының орынбасары Дмитрий Макеев.