«Астана-Щучье» тас жолында соқтығысқан көлік саны 95-ке жетті
Бұл туралы «ҚазАвтоЖол» ҰК» АҚ жедел ақпаратында айтылды
«Астана-Щучье» тас жолындағы жаппай көлік апатында 95-ке жуық автокөлік зардап шекті, деп хабарлайды Jambylinfo.kz
2025 жылдың 3 қаңтарында сағат 07:20–да республикалық маңызы бар «Астана-Петропавл» автожолының учаскесінде (18–232 шақырымдары) ауа райының нашарлауына байланысты барлық автокөлік қозғалысына шектеу енгізілді.
Оқиға орнында полиция қызметкерлері мен «ҚазАвтоЖол» мамандары жұмыс істеуде. Бір жолақ тазартылып, жарамды автокөліктер қозғалысын бастады.
Оқиға орнында 22 көпфункционалды жол машинасы және 2 трактор жұмылдырылған.
Қазіргі уақытта осы жол учаскесінде барлық көлік түрлері үшін қозғалыс қайтадан шектелді.
Әзірге қаза болғандар мен зардап шеккендер туралы ақпарат түскен жоқ.