Ғасыр жобасы: Солтүстік Аралды сақтаудың жаңа кезеңі басталды
Бұл туралы Су ресурстары және ирригация министрлігінің баспасөз қызметі мәлімдеді
Су ресурстары және ирригация министрлігі Солтүстік Арал теңізін қалпына келтіруге бағытталған жобаның екінші кезеңін бастады, - деп хабарлайды Jambylinfo.kz
Жобаның аясында Көкарал бөгетін жаңарту, теңіз деңгейін 44 метрге дейін көтеру және Аманөткел маңында жаңа гидроторап салу жоспарланып отыр. Бұл шаралар Ақшатау мен Қамыстыбас көлдерінің суын тұрақтандыруға мүмкіндік береді.
Дүниежүзілік банктің Еуропа және Орталық Азия бойынша аймақтық директоры Самех Вахба жобаның өңір экономикасына оң ықпал ететінін атап өтті.
Сараптамалық қорытынды 2025 жылдың желтоқсан айына дейін дайын болады деп жоспарланған. Жоба Солтүстік Аралдағы су сапасын жақсартуға, Сырдарияның атырауын қалпына келтіруге, тұздың желмен таралуын азайтуға, балық шаруашылығын дамытуға және халықтың өмір сүру сапасын арттыруға бағытталған. Бұған дейінгі кезеңнің нәтижесінде теңіз суы 42 пайызға артқан, тұздылығы 4 есеге азайған, жыл сайынғы балық аулау көлемі 8 мың тоннаға жеткен.