Қазақстанда нотариустар көрсететін қызметтің жаңа тарифтері бекітілді

Әділет министрлігі нотариустар көрсететін қызметтердің жаңа мөлшерлемелерін бекітті, деп хабарлайды Jambylinfo.kz 

Жаңа тарифтер 2026 жылдың 1 қаңтарынан бастап күшіне енеді. Сол уақытта айлық есептік көрсеткіш (АЕК) 4325 теңге болып белгіленеді.

Мөлшерлемелер төмендегідей:

Қаладағы жылжымайтын мүлікті сату-сатып алу шартын куәландыру – 3-тен 12 АЕК-ке дейін (12 975–51 900 теңге);

Ауылдағы жылжымайтын мүлікке қатысты шарттарды куәландыру – 1,5-тен 2,7 АЕК-ке дейін (6487–11 677 теңге);

Көлік құралын сату-сатып алу шартын куәландыру – 4-тен 10 АЕК-ке дейін (17 300–43 250 теңге);

Ипотекалық несие және кепіл шарты – 4 АЕК (17 300 теңге);

Өсиетнаманы куәландыру – 3 АЕК (12 975 теңге);

Мұрагерлік құқық туралы куәлік беру – 4 АЕК (17 300 теңге);

Мүлікті пайдалану немесе иелік ету құқығын беретін сенімхаттарды куәландыру – 2,5 АЕК (10 812 теңге);

Құжаттағы қолдың түпнұсқалығын немесе аударманың дұрыстығын куәландыру – 0,53-тен 1,1 АЕК-ке дейін (2292–4757 теңге);

Құжаттың көшірмесін (дубликатын) беру – 3 АЕК (12 975 теңге);

Басқа да нотариаттық әрекеттер – 7,2 АЕК (31 140 теңге);

Кеңес беру қызметі – 1 АЕК (4325 теңге).