Қазақстандық оқушылар халықаралық математикалық олимпиададан үш бірдей медаль жеңіп алды
Бұл туралы Оқу-ағарту министрлігінің баспасөз қызметі мәлімдеді.
Францияның Бордо қаласында өткен EGMO-2026 қыздарға арналған халықаралық математикалық олимпиада өз мәресіне жетті, деп хабарлайды Jambylinfo.kz
Жарысқа 66 елден 247 оқушы қыз қатысты.
Жарыс қорытындысы бойынша Қазақстан құрамасы 3 медаль иеленді:
Күміс медаль – Катунина Юлия, Павлодар қаласындағы дарынды балаларға арналған №8 мектеп-лицейінің 11-сынып оқушысы;
Күміс медаль – Қайрат Аружан, Алматы қаласындағы С.А. Ходжиков атындағы №39 мамандандырылған лицейінің 11-сынып оқушысы;
Қола медаль Которова Вера, Алматы қаласындағы жаратылыстану-математикалық бағыттағы Назарбаев Зияткерлік мектебінің 11-сынып оқушысы.
Құрама команданы жаттықтырған жетекшілер - Антон Васильев пен Марат Нсанбаев. Жалпы командалық есепте Қазақстан 66 елдің ішінде 20-орынды иеленсе, ресми еуропалық елдер арасында 10-орынға тұрақтады.
Айта кету керек, 2017 жылдан бері Қазақстан ұлттық құрамасы EGMO олимпиадасында 3 алтын, 16 күміс, 17 қола медаль және 4 құрмет грамотасын жеңіп алған.