Қазақстандық әуе компания Алматы мен Манама арасында рейстер ашты
Бұл туралы Азаматтық авиация комитеті мәлімдеді. Рейстер аптасына бір рет орындалады.
2025 жылғы 5 маусымнан бастап қазақстандық Fly Arystan лоукостері Алматы мен Бахрейн астанасы Манама арасында маусымдық рейстерді бастады, деп хабарлайды Jambylinfo.kz
Азаматтық авиация комитетінің мәліметінше, Бахрейнмен әуе қатынасының ашылуы туризм, мәдениет және сауда-экономика салаларындағы ынтымақтастықты дамытуға оң ықпал етеді.
Әзірге билет бағасы белгісіз, компанияның сайтында бұл бағыт көрсетілмеген.
Манама қаласында дәстүрлі сәулет ескерткіштері сақталған, сауда орталықтары мен жағажай демалысы жақсы дамыған.