Бүгін еліміздің 13 қаласында ауа сапасы нашарлайды
Оның ішінде Астана мен Алматы қалалары бар
«Қазгидромет» РМК Қазақстан қалаларындағы ауа сапасына қатысты болжамын жариялады, деп хабарлайды Jambylinfo.kz
Синоптиктердің болжамы бойынша, 29 қарашасында ауаның ластануының қолайсыз метеорологиялық жағдайлары Алматы, Астана, Ақтөбе, Өскемен, Семей, Риддер, Қарағанды, Теміртау, Балқаш, Жезқазған, Павлодар, Көкшетау және Петропавл қалаларында күтіледі.
Қолайсыз метеорологиялық жағдайлар — атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.