Биыл су саласының 800-ден астам маманы біліктілікті арттыру курстарынан өтті
Бұл туралы Су ресурстары және ирригация министрлігінің баспасөз қызметі мәлімдеді
2025 жылдың 11 айында Су ресурстары және ирригация министрлігі су саласы мамандары үшін біліктілікті арттыру курстарын ұйымдастырды. Бұл курстарға 800-ден астам маман қатысты.
Олардың ішінде 125 адам ҚХР-да PowerChina корпорациясының қолдауымен оқудан өтті. Айта кетейік, Су ресурстары және ирригация министрлігі мен қытай тарапы келесі жылы да кадрларды қайта даярлау жөніндегі бірлескен бағдарламаны жалғастыруға келіскен болатын.
Біліктіліктерін арттырған 634 маман – жұмысшы мамандықтарының өкілдері. Сонымен қатар 2030 жылға дейінгі су ресурстарын басқару жүйесін дамыту тұжырымдамасына сәйкес, биылғы жоспар 400 адамды құраған еді.