Былтыр топан судан кейін депутаттар салып берген үйлер биыл тағы да суға кеткен
Мәжіліс депутаттары көктемгі су тасқынына дайын болмай шыққан әкімдіктер мен министрліктердің жұмысын сынады
Парламент мәжілісінің депутаттары ел тұрғындарын әбігерге салып қойған су тасқыны туралы үкімет басшысына депутаттық сауал жолдады, деп хабарлайды jambylinfo.kz.
Жуырда мәжіліс депутаттары халықтың жай-күйімен, осы бағытта қолға алынып жатқан шаралармен көзбе-көз танысу үшін Орал, Арқалық, Ақтөбе, Ұлытау, Қоянды және тағы басқа өңірлерді аралап қайтқан.
Оның айтуынша, топан су мен сел тұрмақ, әлемде цунами мен вулканнан қорғану шараларын қабылдаған елдер бар. Ал біздің кейбір аудандарда дайын тұруы тиіс қайық пен су етіктің өзі атымен жоқ. Төтенше жағдайлар министрлігінің нормативі орындалмаған. Әкімдік пен министрліктердің арасында байып-баға жоқ. Беті ашылған тағы бір проблема – су саласында білікті маман тапшы.
Оның айтуынша, былтыр көктемгі су тасқынынан зардап шеккендерге депутаттар үй салып берген. Алайда биыл сол үйлер тағы да қарғын судың астында қалды.
Сондай-ақ Мақсат Толықбай баспанасы жермен-жексен болып, бала-шағасымен босып кеткен ағайынның тағы бір мұңын жеткізді.
Айтуынша, қауіптің басы қайтты деуге әлі ерте. Алда СҚО, Павлодар, ШҚО тұр. Алтайда қар енді ери бастады. Марқакөл мен Қатонқарағайда 2 метр қар жатыр.
Мәжіліс депутаттары осы айтылғандарды ескере келіп, үкіметке бірнеше ұсыныс жолдады:
- Қазақстандағы барлық өзеннің жағасының ерекше су қорғау аумағын 4 шақырымға дейін ұзарту және тұрғын үй салу мен жер бөлу кезінде өзен, көл, су қоймасының жағасынан қашық әрі биік жерлерге қоныстандыру;
- ірі және және таулардан ағатын трансшекаралық сулар құйылатын өзендердің қар мен жаңбыр суы қосылғанда тасып кетпеуі үшін жасанды арналар жасау, аса қауіпті аумақтарда су қоймаларын салу, сондай-ақ су соратын дренаждар мен насостарды қайта орналастыру;
- өзен, көлге жақын орналасқан ауылдарды қажетті техника, қайық және арнайы формалармен қамтамасыз ету;
- гидротехник-инженер мамандардын дайындау;
- биыл төтенше жағдай жарияланған жерлердегі шаруалардың барлық ауылшаруашылық несиесін төлеуді үш жылға дейін шегеру мүмкіндігін қарастыру.