Елімізде -40 градусқа дейін аяз күтіледі
Алдағы күндері еліміздің басым бөлігінде ауа райы күрт суытады.
"Қазгидромет" дерегінше, солтүстік-батыстан жылжыған суық антициклонның әсерінен жауын-шашын тоқтап, арктикалық ауа массалары енеді. Соның салдарынан ауа температурасы айтарлықтай төмендейді, деп хабарлайды Jambylinfo.kz
Тек оңтүстік аймақтарда жауын-шашын сақталады, кей жерлерде қар қалың түсуі мүмкін. Сонымен қатар желдің күшеюі, көктайғақ пен тұман секілді қолайсыз құбылыстар болжанып отыр.
Температура болжамы:
Батыс өңірлерде түнде -15…-25°C;
Солтүстік және орталық аймақтарда -28…-37°C;
Шығыста -32…-40°C-қа дейін аяз;
Оңтүстікте -0…-10°C шамасында суық болады.