Храпуновтың былығы: Алматыда жекенің қолына заңсыз өткен ірі нысан мемлекетке қайтарылды
Жедел медициналық көмек кешеннің ғимараты заңсыз өтіп кеткен
Виктор Храпунов оңтүстік астананы басқарған уақытта жекенің қолына заңсыз өткен медициналық кешен мемлекет меншігіне қайтарылды, деп хабарлайды jambylinfo.kz.
Құны 3 млрд теңге болатын Жедел медициналық көмек кешенін Алматы қаласының прокуратурасы мемлекет теңгеріміне қайтарды. Бұған дейін Алматы қаласы Мамандандырылған ауданаралық экономикалық сотының 27.11.2023 жылғы шешімімен, қала прокурорының мемлекеттік мүлікті жеке меншікке беру жөніндегі әрекеттерді заңсыз деп тану туралы талап-арызы қанағаттандырылғаны хабарланған болатын. Сот шешімі заңды күшіне енді.