Қостанай облысындағы цифрлық кәсіпорындардың үлесі 34%-ға өсті
Бұл туралы Үкімет отырысында аймақ әкімі Құмар Ақсақалов мәлімдеді.
Қостанай облысында IT-шешімдерді енгізетін өнеркәсіп объектілерінің саны соңғы екі жылда екі есеге жуық өсті, деп хабарлайды Jambylinfo.kz Үкіметтің баспасөз қызметіне сілтеме жасап.
Егер 2022 жылы технологияны кәсіпорындардың 17,8%-ы пайдаланса, бүгінде бұл көрсеткіш 34%-ға жетті.
Бұл туралы Үкімет отырысында аймақ әкімі Құмар Ақсақалов мәлімдеді.
Өсім жоғары технологиялық өндірістерді іске қосу есебінен қамтамасыз етілген. Мысалы, KIA жаңа зауыты 68 өнеркәсіптік роботпен жабдықталған (автоматтандыру деңгейі – 60%), ал KamLitKZ кәсіпорындарында тиімділікті 15%-ға арттыратын ЖИ және машиналық көру жүйелері енгізілген.
Жалпы, биылғы 10 айдың ішінде өңірдің өңдеу өнеркәсібіндегі өндіріс көлемі 2 трлн теңгені құрады, бұл ретте машина жасауда өсім 22,6%-ға жетті.