Павлодарда тұрғынның көлігін өртеуге тапсырыс берген азамат ұсталды
Оқиға Майра көшесінде болған
Полиция павлодарлықтың көлігін өртеген адам мен тапсырыс берушіні анықтады, деп хабарлайды Jambylinfo.kz
Жедел-іздестіру іс-шараларын жүргізу барысында павлодарлық жедел уәкілдер Toyota Land Cruser 200 маркалы автокөлікті өртеуге қатысқан адамдарды анықтады.
Павлодар тұрғыны ақшалай сыйақы үшін осы қылмысты алдын ала жоспарлап, Алматы тұрғынына автокөлікті өртеуді ұсынған. Ол келісіп, тез тұтанатын сұйықтықты пайдалану арқылы Майра көшесіндегі үйдің тұрағындағы автокөлікті өртеп жіберген.