Үсік, жаңбыр, тұман: 28 сәуірге арналған ауа райы болжамы
Жалпы республика бойынша жел күшейіп, кей жерлерде тұман түседі.
Синоптиктердің мәліметінше, Қазақстанның басым бөлігінде бүгін ауа райы тұрақсыз болады, деп хабарлайды Jambylinfo.kz
Көп өңірде найзағай ойнап, жаңбыр жауады.
Оңтүстік-шығыс пен шығыстың таулы аймақтарында түнде жауын-шашын күтіледі.
Шығыс өңірлерде бұршақ жауып, дауыл тұруы ықтимал.
Ал орталық пен елдің батыс бөлігінің кей жерлерінде жауын-шашын болмайды.
Батыс, солтүстік-батыс, солтүстік, шығыс және орталық аймақтарда түнгі уақытта ауа температурасы -3°C-қа дейін төмендеп, үсік жүреді.
Жалпы республика бойынша жел күшейіп, кей жерлерде тұман түседі. Оңтүстікте шаңды дауыл соғуы мүмкін.
Астанада күн ала бұлтты, жауын-шашынсыз. Түнде үсік жүреді. Желдің жылдамдығы 7–12 м/с. Ауа температурасы түнде 0…+2°C, күндіз +18…+20°C.
Алматыда бұлтты, найзағай ойнап, жаңбыр жауады. Жел 3–8 м/с. Температура түнде +11…+13°C, күндіз +20…+22°C.
Шымкентте күн ала бұлтты, жауын-шашынсыз. Желдің екпіні 15–20 м/с-қа жетеді. Ауа температурасы түнде +10…+12°C, күндіз +26…+28°C.