Талас ауданындағы 40 жыл тазартылмаған канал қайта жаңғыртылуда
Бұл туралы Су ресурстары және ирригация министрлігінің баспасөз қызметі мәлімдеді.
Жамбыл облысының Талас ауданында «Қазсушар» РМК-ның жергілікті филиалы 40 жылдан астам уақыт бойы тазартылмаған жер каналды қалпына келтіру жұмыстарын жүргізіп жатыр, деп хабарлайды Jambylinfo.kz
Жоба Ойық ауылдық округіндегі үй шаруашылықтарын сумен қамтамасыз ету сапасын арттыруға бағытталған.
Қазіргі таңда каналдың 2,5 шақырымы толық қалпына келтірілді. Алдағы уақытта ұзындығы бір шақырым болатын тағы бір учаскеде жұмыстарды аяқтау жоспарланып отыр.
Жобаны іске асыру нәтижесінде Талас өзенінен 40-тан астам үй шаруашылығы суға қол жеткізіп, бұл Жамбыл облысындағы ауыл шаруашылығы мен мал шаруашылығының дамуына оң ықпал етеді.
Жергілікті тұрғындар атқарылып жатқан жұмыстар үшін Су ресурстары және ирригация министрлігіне және «Қазсушардың» Жамбыл облысындағы филиалына алғыстарын білдіріп жатыр.