АҚШ президенті Дональд Трамп елдің 66 халықаралық ұйымдағы мүшелігін тоқтату жөніндегі меморандумға қол қойды, деп хабарлайды Jambylinfo.kz Silkway телеграм арнасына сілтеме жасап

Оның ішінде 31 ұйым БҰҰ жүйесіне кірсе, қалған 35-і БҰҰ-дан тыс құрылымдар.

Ақ үйдің хабарлауынша, бұл ұйымдардың қызметі АҚШ-тың ұлттық мүддесіне сай келмейді. Шығу туралы шешім қабылданған ұйымдардың толық тізімі Ақ үйдің ресми сайтында жарияланған.

Аталған ұйымдар қатарында Украин ғылыми-технологиялық орталығы, Венеция комиссиясы, БҰҰ Бас хатшысының балаларға қатысты зорлық-зомбылық жөніндегі арнайы өкілінің кеңсесі және БҰҰ Демократия қоры бар.

АҚШ Мемлекеттік хатшысы Марко Рубионың айтуынша, әкімшілік бұл құрылымдарды тиімсіз, қаржысы дұрыс пайдаланылмайтын, басқаруы әлсіз әрі елдің егемендігі мен ұлттық қауіпсіздігіне қатер төндіруі мүмкін деп санайды.