Бішкектегі жылу апаты: Қырғыз премьер-министрі Алматыдан ұшып кетуге мәжбүр болды

Бүгін таңға жуық Қырғыз Республикасының астанасы Бішкектің жылу электр станциясында ірі апат орын алып, салдарынан қала тұрғындары түгелдей жылусыз қалды, деп хабарлайды jambylinfo.kz. 24.kg қырғыз ақпарат агенттігінің жазуынша, станцияның бес жұмысшысы жараланған. Қаладағы мектеп пен балабақшалар жұмысын тоқтатып, онлайн форматқа ауысты. Үйлер мен мекемелерде ыстық су мен жылу жоқ. Осыған байланысты, бүгін Алматыда жүрген Қырғыз Республикасының премьер-министрі Ақылбек Жапаров шұғыл түрде Бішкекке оралды. Айта кетейік, ол Еуразиялық үкіметаралық кеңестің жиынына қатысу үшін 1 ақпанда Қазақстанға келген еді.