Қазақстан мен ТМД елдеріне Jah Khalib атымен танымал әнші, рэпер Бақтияр Мамедовтің Кишинев қаласында жоспарланған концерті өтпейтін болды, деп хабарлайды jambylinfo.kz.

Бұл туралы Summer Fest фестивалінің ұйымдастырушыларына сілтеме жасай отырып Newsmaker жазды.

«Соңғы жаңалықтар мен орын алып жатқан соңғы оқиғаларға байланысты Jah Khalib Summer Fest фестиваліне қатыспайды», - деп хабарлаған ұйымдастырушылар.

Айта кетейік, рэпер YouTube-тегі RUH FOOD арнасының ORTA подкасында «ашық-шашық киінетін қыз-келіншектер зорлық-зомбылыққа көп ұшырайды» деген ойын айтып, қыз-келіншектердің киімін сынаған болатын.