Дәріні Biomed компаниясы коронавирус жұқтырып, аурудан айыққан адамдардың қан плазмасын қолдана отырып жасаған. Қазір олар препаратты клиникалық сынақтан өткізу үшін төрт орталыққа жіберді: Люблин, Бытом, Белосток және Варшаваға. Препарат өндірісі 18 тамызда басталғаны атап өтілді. "COVID-19-ды жазылып шыққан адамның қан плазмасымен емдеу әдісін ДДҰ және Польша Денсаулық сақтау министрлігі мақұлдады", - деді препараттың тұсаукесеріне қатысқан Польша парламентінің сенаторы, дәрігер Гжегож Челей. Бұған дейін Қытайда коронавирусқа қарсы 11 вакцина клиникалық сынақтан өтіп жатқаны хабарланған болатын.