«Керек» cөзін дұрыс қолданып жүрміз бе?
«Керек» cөзін дұрыс қолданып жүрміз бе?
Кейбір қателер сөйлеуде болсын, жазуда болсын жиі жіберіледі. Ондай қателерді естігінде құлағыңа түрпідей тиетіні рас. Ал біздің мақсатымыз – сауатты қоғам қалыптастыру. Бүгін «керек» модаль сөзіне талдау жасаймыз.
«Біз бүгін дүкенге бару керекпіз. Мен ән айту керекпін. Сен билеу керексің» деген сөйлемдерді жиі естіп немесе көріп жүрген шығарсыз?
Бұл жердегі керекпіз, керекпін, керексің дегендердің барлығы – қате. Дұрысы – «баруымыз керек, айтуым керек, билеуің керек» деген нұсқа. «Керек» модаль сөзі жіктелмейді, яғни сөйлемде көмекші сөздің қызметін атқарғанда керек + -пін,-сің,-сіз,-піз,-сіңдер,-сіздер деген жіктік жалғаулары жалғанбайды. stan.kz