«Сабақ уақытын 30 минутқа дейін қысқартпағанына шүкір!»: Аймағанбетов шенеуніктерге шүйлікті
Депутат мұндай шешім қабылдау үшін ғылыми негіз керек екенін айтты
Павлодар қаласы Білім басқармасы қаладағы бірнеше мектепте сабақ ұзақтығын қысқартқан. Бұрынғы Білім және ғылым министрі аталған жайға пікір білдірді, деп хабарлайды Jambylinfo.kz
Ата-аналар мен оқушылардың өтініші негізінде Павлодар қаласының 7 мектебінде 2 және 4 сабақтан кейін сабақтарды 40 минутқа дейін қысқарту және 15 минуттық үзіліс ұйымдастыру туралы шешім қабылданған. Мұны білім басқармасы растап отыр. Осыған байланысты мәжіліс депутаты Асхат Аймағанбетов пікір білдірді.
Білім беру объектілеріне қойылатын санитарлық-эпидемиологиялық талаптардың 71-тармағына сәйкес жалпы білім беретін ұйымдағы сабақтың ұзақтығы 45 минуттан аспауы тиіс. Мәжілісмен бұған ғылымға негізделген шешім керек екенін айтты.