Бұл композиция – сұрапыл соғыс жылдарында майданға аттанған университет оқытушылары мен студенттеріне, сондай-ақ Кеңес Одағының батырлары Мәлік Ғабдуллин, Лесбек Жолдасов, Қанаш Қамзин, Құдайберген Сұрағанов, Рахымжан Тоқатаев, Ахмедияр Құсайынов, Сәду Шәкіров, Евгений Бреусов және Жолдыбай Нұрлыбаевқа деген құрметтің көрінісі, - деп хабарлайды Jambylinfo.kz

Салтанатты шараға университет ректоры Болат Тілеп, Алматы қаласы Жастар саясаты басқармасы өкілдері, оқу орнының профессорлық-оқытушылық құрамы мен студенттері, батыр түлектердің ұрпақтары қатысты.

Ректор Болат Тілеп өз сөзінде:

«Бұған дейін университеттен шыққан сегіз Кеңес Одағы Батыры белгілі болса, тарихшы ғалымдарымыздың қажырлы еңбегі нәтижесінде тоғызыншы батырдың есімі де анықталды. Осы рухани жаңалықтың құрметіне, түлектердің қолдауымен бұл ескерткіш орнатылды», – деп атап өтті.

Іс-шара «Ерлікке тағзым» атты концерттік бағдарламамен қорытындыланды.

Айта кетейік, ескерткіш Абай университетінің түлегі Рақымберді Жетібайдың демеушілігімен орнатылды. Шараны ұйымдастыруға Әлеуметтік және жастар саясаты департаменті мұрындық болды.