COVID-19: вакцина салдырдыңыз ба?

Елімізде 1 ақпаннан бастап коронавирус індетіне қарсы жалпы вакцинация басталады. Денсаулық сақтау министрі Алексей Цойдың мәлімдеуінше, екпе үш кезеңде жүргізілмек. «Спутник V» вакцинасы ең алдымен медицина қызметкерлеріне салынатын болса, одан кейін білім беру мекемелерінің мұғалімдеріне, ал үшінші кезең студенттер мен оқушыларды қамтымақ. Осылайша министрлік жыл соңына дейін 6 миллион адамға екпе егуді жоспарлап отыр. Одан бөлек вакцинация ерікті түрде де жүргізілуде. Бүгінгі таңға облыста 1000 адам екпе салдырып үлгерген. Алайда ел арасында вакцинацияға қатысты үрей мен үміт қатар жүруде. Біреулер екпе алған дұрыс десе, енді екіншілер вакцина салдыруға түбегейлі қарсы. Осы орайда «Халық сөзі» атты жаңа айдарымызбен тұрғындардың пікірін тыңдап көрген едік.