Дәрігерлер 3 саусағы бөлініп қалған жігітке көмектесті
Бұл туралы ДСМ баспасөз қызметі мәлім етті
Академик Н. Ж. Батпенов атындағы Ұлттық ғылыми травматология және ортопедия орталығында 18 жастағы пациенттің сол қолының үш саусағын трансплантаттау бойынша бірегей микрохирургиялық операция жасалды, деп хабарлайды Jambylinfo.kz.
Жас жігіт электрлік араның кесірінен жазатайым оқиғаға тап болды.
9 сағатқа созылған операция хирургтардан дәлдік пен шеберлікті талап етті. Соңғы операциялық микроскопты қолдану арқылы дәрігерлер бөлінген саусақтардың барлық зақымдалған тамырларын, нервтерін, сіңірлерін және сүйек құрылымдарын қалпына келтірді. Бұл элементтердің шағын көлеміне және операцияның жоғары күрделілігіне қарамастан, барлық дәнекер тіндер сәтті біріктірілді.
Биылғы жылы бұл орталықта жасалған қол саусақтарының әртүрлі сегменттерін қайта трансплантаттау бойынша сәтті операция екенін атап өткен жөн. Барлық алдыңғы пациенттер трансплантатталған саусақтардың қызметін толығымен қалпына келтірді.
Бұған дейін хабарлағанымыздай, Қызылордада бір күнде екі науқасқа бүйрек трансплантация жасалды.