Қазақстанда «Взаймы» микроқаржы ұйымы лицензиясынан айырылды
Ұйым «Микроқаржылық қызмет туралы» заңды бірнеше рет бұзған
Қазақстан Республикасы Қаржы нарығын реттеу және дамыту агенттігі «Взаймы микроқаржы ұйымы» жауапкершілігі шектеулі серіктестігіне микроқаржылық қызметті жүзеге асыруға берілген лицензиясынан айырды, деп хабарлайды jambylinfo.kz.
Енді бұл мекеме лицензиядан айыру туралы шешім қабылдаған күннен бастап күнтізбелік отыз күн ішінде өзінің атауынан «микроқаржы ұйымы» деген сөздерді, олардан туындайтын, көрсетілген заңды тұлғаның микрокредиттер беру жөніндегі қызметті жүзеге асыруын болжайтын сөздерді немесе аббревиатураларды алып тастау арқылы қайта тіркеу рәсімін жүргізуге не қайта ұйымдастыру немесе тарату туралы шешім қабылдауға міндетті.
Агенттіктің ақпаратына сүйенсек, бұл ұйымнан несие алған азаматтар несиелерін төлеуге міндетті.