Елімізде бидай қымбаттап, нанның бағасы 105-110 теңге болуы мүмкін

Елімізде бидайдың бағасы қымбаттады. Астық ору науқанын аяқтауға жақын қалған диқандар жинаған өнімдерін қымбатқа сатуға мәжбүрміз дейді. Оған пандемия тікелей әсер етіпті. Бұл жағдай енді ұн өнімдерінің құнына тікелей әсер ететіні сөзсіз. Нан бағасы алдағы уақытта 100 теңгеге жетуі мүмкін деп болжайды мамандар.

Бірақ Ауыл шарушылығы министрі  ас атасының бағасын көтеруге еш негіз жоқ екенін хабарлайды.

Астық ору науқанын аяқтаған диқандар қажырлы еңбектің жемісін көреміз бе деп алақанын ысқылап отыр. Алайда шаруалар шығынға батпас үшін бидайдың бағасын көтеріп отыр.

Хали Сарманов, шаруа қожалығының басшысы:

Алматы облысындағы қай қырманға барсаңыз да тау болып үйілген астық, қайнаған тірлік. Дәнін дер кезінде жинап алған диқандар пандемияда көптеген қиындық-кедергіге тап болған.

Қуаныш Түсіпбаев, агроном:

Бидай нарығындағы бұл жағдай енді ұн өнімдерінің бағасына тікелей әсер ететіні сөзсіз. Әсіресе халық ең көп тұтынатын нанның бір бөлкесі 100 теңгеге жетуі мүмкін дейді сарапшылар.

Кирилл Павлов, агроөнеркәсіп саласының сарапшысы:

Ал ауыл шаруашылық министрі азық-түлік бағасының негізсіз көтерілуіне "жол бермейміз" деп отыр. Өйткені әлеуметтік маңызы бар азық-түлік қоры жеткілікті екен.

Сапархан Омаров, ҚР Ауыл шаруашылығы министрі (16 қыркүйек 2020):

"Биыл жиналған астық ішкі сұранысты қамтуға жетеді" - деп сендірді министр. Бірақ сарапшылар бидайдың бағасын алып-сатарлардың өзі шарықтатып жібере ме деп қорқады. Оған қоса, пайда табу үшін наубайханалар да қосымша құн қосуы мүмкін. "Сондықтан құзырлы орган негізсіз баға көтеретіндерді қазірден бастап бақылауға алуы тиіс", - дейді агроөнеркәсіп саласының мамандары.

 zakon.kz