«Еңбек» нәтижелі жұмыспен қамтуды және жаппай кәсіпкерлікті дамыту мемлекеттік бағдарламасының аясында Байзақ аудынының Сарыкемер ауылындағы Асхат Әскербекұлы "Ауыл шаруашылығын қаржылай қолдау қорынан" 3,6 млн теңге несие рәсімдеп, 8 бас жылқы сатып алған. Халқымызда «Мал баққанға бітеді» деген әдемі сөз бар. Әсіресе, төрт түліктің төресі саналатын жылқы малының бабын табу, оның күтімін жасау оңай шаруа емес. Кәсіпкер жылқыларын баптап, тынбай еңбектеніп, алдағы мақсаты жылқы басын көбейтіп, ірі шаруашылыққа айналмақ.