Осы аптаның соңына дейін зардапты есептеу жұмысы аяқталсын – Бектенов
Үкімет басшысы өңір әкімдері мен министрлерге тапсырма берді
Премьер-министр Олжас Бектенов осы аптаның соңына дейін су тасқынынан зардап шеккендерге келтірілген залалды бағалау жұмыстарын аяқтауды тапсырды, деп хабарлайды jambylinfo.kz.
Бұл туралы премьер-министр бүгінгі үкімет отырысында айтты.
«Әкімдіктерге Өнеркәсіп министрлігімен бірге тұрғындардың баспаналары мен мүліктеріне келтірілген залалды бағалау жұмыстарын осы аптаның соңына дейін аяқтауды тапсырамын», - деді Бектенов үкімет отырысында.
Үкіметтің дерегіне сүйенсек, Қазақстанның су басқан өңірлерінде 4 мыңнан астам үй апатты деп, ал, 9 мың үйге жөндеу қажет деп танылған.