«13 көлік пен 75 миллион теңге тәркіленді». Шымкенттік отбасы үйінде алкоголь өндірген
Заңсыз жолмен өндірілген өнім Жамбыл облысында да сатылған
Қаржылық мониторинг агенттігі Шымкент қаласы бойынша департаменті суррогаттық алкоголь өнімдерін өндіретін жасырын цех қызметінен алынған қылмыстық кірістерді жасыру және заңдастыру схемасын анықтады, деп хабарлайды Jambylinfo.kz
Тергеу барысында 2022 жылдан бастап ерлі-зайыпты Қарсеновтар қолдан жасалған акциздік маркаларын және этил спиртін пайдаланып, заңсыз алкоголь өнімдерін өндіруді ұйымдастырғаны белгілі болған.
Деректерге сүйенсек, өнім Шымкент қаласында ғана емес, сондай-ақ көршілес Түркістан және Жамбыл облыстарында да сатылған.
Көлеңкелі кәсіп істегендерге 5 және 6 жылға бас бостандығынан айыру жазасын тағайындаоған.