«Қаңтар оқиғасы» кезінде ұрланған: 12 автомат, 41 тапанша, 75 мылтық, 36 граната тәркіленді
Бұл туралы ҰҚК баспасөз қызметі хабарлады
Ұлттық қауіпсіздік комитеті қарудың заңсыз айналымына қарсы тұру әрекеті бойынша жүйелі шаралар қабылдауда,- деп хабарлайды Jambylinfo.kz
Биылғы жылдың басынан ҰҚК полиция және прокуратура органдарымен бірлесіп 12 автомат, 41 тапанша, 75 мылтық, 36 граната және әртүрлі калибрдегі 1 603 оқ-дәрі тәркіледі.
Бұл қарудың едәуір бөлігі «қаңтар оқиғасы» кезінде ұрланған (барлығы 2022 жылдан бастап ҰҚК дағдарыс кезеңінде жоғалған 608 бірлік қару тәркілеген).
Осылайша, арсеналдың деструктивті ортаға түсу және оны қоғам мен мемлекеттің мүдделеріне қарсы пайдалану қаупі төмендетілді.
Сонымен қатар, Қазақстан аумағына қаруды заңсыз әкелу фактілері тіркелуде.