Қазақстанның басым бөлігінде алдағы күндері үсік жүріп, салқын әрі жаңбырлы күндер орнайды. Бұған солтүстік циклон мен онымен байланысты атмосфералық фронтальды бөліктер әсер етеді, деп хабарлайды Jambylinfo.kz 

Жауын-шашын мен дауыл:

11 қыркүйекте – елдің солтүстігінде,

11–12 қыркүйекте – шығыста,

11–13 қыркүйекте – орталықта қатты жаңбыр жауады.

Солтүстік пен шығыста бұршақ пен дауылды жел соғуы ықтимал.

Аптаның соңына қарай оңтүстік және оңтүстік-шығыс өңірлер Жоңғар циклонының ықпалында болады. Мұнда да жаңбыр жауады, алайда ауа температурасы қысқа мерзімге жоғарылауы мүмкін.

Қосымша құбылыстар:

Республика бойынша жел күшейеді.

Солтүстік-батыста, солтүстікте, шығыста және орталықта түнгі әрі таңғы уақытта тұман түседі.

Оңтүстікте шаңды дауыл болжанған.

Ауа температурасы өңірлер бойынша:

Батыс: түнде +5…+16°С, күндіз +15…+25°С.

Солтүстік-батыс: түнде +1…+11°С, топырақ бетінде -2°С үсік, күндіз +8…+20°С.

Солтүстік: түнде +1…+7°С, топырақ бетінде -2°С үсік, күндіз +8…+16°С.

Орталық: түнде +1…+10°С, жердің бетінде -2°С үсік, күндіз +10…+20°С.

Шығыс: түнде +1…+11°С, күндіз +15…+23°С.

Оңтүстік: түнде +12…+20°С, күндіз +23…+35°С.

Оңтүстік-шығыс: түнде +12…+17°С, таулы аудандарда +2…+7°С, күндіз +24…+32°С. Таулы аймақтарда түнде 0…+5°С, күндіз +8…+15°С.

Синоптиктердің болжамына сәйкес, көптеген өңірлерде түнгі үсік қаупі сақталады. Сондықтан мамандар ауыл шаруашылығымен айналысатын тұрғындарға ауа райының қолайсыз жағдайына дайын болуды ескертеді.