Алматы облысында бес жас жігіт тауға шығып, ауа-райының қолайсыздығына байланысты қайтадан жерге түсе алмай қалған, деп хабарлайды jambylinfo.kz.

«Оқиға орнына Алматы облысы ТЖД құтқарушылары және Алматы қаласының құтқару қызметінің құтқарушылары дереу шығып, туристерді іздей бастады. Құтқарушылардың үйлесімді іс-қимылының арқасында 19-20 жастағы жас жігіттер аман-есен табылды», - деп хабарлайды ТЖм баспасөз қызметі.

Ауа-райының күрт өзгеруіне байланысты құтқару жұмыстары 5 сағатқа созылған.