Енді елордада қоғамдық көліктер түнде де қатынайды, деп хабарлайды jambylinfo.kz. 

"City Transportation Systems" компаниясының хабарлауынша, жаз мезгіліне байланысты осындай шешім қабылданып отыр. 

"Жаз басталған соң қала тұрғындары мен қонақтарына жайлы болу үшін түнде №№ 201, 202, 203 бағдарларын іске қосу жоспарланып отыр. Елорда тұрғындары мен қонақтары енді түнгі уақыттарда, сағат 00:00-ден 06:00-ге дейін қалада оңай әрі жайлы қатынай алады.Түнгі бағдарлар қаланың негізгі аудандарын қамтып, басты көлік хабтарын байланыстырады.Бағдарлардың қозғалыс сызбасы мен жүру кестесі туралы толық ақпаратты жақында жариялаймыз", - деп хабарлады компания.