Кәсіпкер Қайрат Боранбаев мемлекетке келтірген шығынды толығымен өтегендіктен ол қазір бостандықта жүр. Бұл туралы бүгін Қаржылық мониторинг агенттігі төрағасының орынбасары Жеңіс Елемесов мәлім етті, деп хабарлайды jambylinfo.kz.

Бірақ, баса айта кетерлігі, Боранбаевқа қатысты қылмыстық іс әлі тоқтамаған.

«Боранбаев сотталған қылмыстық іс аясында 14,5 млрд теңге көлемінде шығын өтелді. Ол сондай-ақ өз еркімен 120 млрд теңгені тағы өтеді. Сондықтан, оның бас бостандығынан айыру туралы жазасы бас бостандығын шектеу жазасына ауыстырылды. Бірақ, Боранбаевқа қатысты қылмыстық іс әлі тоқтаған жоқ», - деді Елемесеов.