Қазақстан су тасқыны басталғаннан бері 20 рет төтенше жағдай жариялаған
Қазір үш облыстағы жағдай күрделі, мың жарым үйді су басқан
Төтенше жағдайлар вице-министрі Бауыржан Сыздықов елдегі су тасқыны жағдайы тұрақты, бірақ күрделі екенін мәлімдеді, деп хабарлайды jambylinfo.kz.
Оның айтуынша, су тасқыны жағдайы күрделі қалыпта. Батыс аймақтарда су аздап төмендеген, ал орталық, солтүстік және шығыста керісінше өзендердің деңгейінің қарқынды түрде көбейген.
Айтуынша, су тасқыны басталғалы бері 15 мың 786 адам эвакуацияланды, оның ішінде 6 мың 187 бала. Қазіргі таңда бес облыста 4 113 адам, оның ішінде 1 911 бала уақытша орналастыру пунктеріне жайғастырылды.
Сондай-ақ 55 автожол учаскесі төрт көпірді су шайған. Қазір оларды қалпына келтіру жұмыстары жүргізіліп жатыр.
Вице-министр су тасқыны белсенді кезеңге өтпеген елді мекендерде алдын алу шаралары күшейтілгенін атап өтті.
Су қоймалары мен өзендердің толымдылығына мониторинг жалғасуда. Қазіргі уақытта Қостанай, Батыс Қазақстан, Ақмола және Солтүстік Қазақстан облыстарындағы өзендерде су деңгейінің жоғарылауы байқалады, Шығыс Қазақстан облысының таулы жерлерінде де үлкен қар көлемі жатыр. Бұл өңірлерге қажет болған жағдайда, министрліктің күштері мен құралдары қосымша тартылады, деп мәлімдеді Сыздықов.