Ханкөл ауылындағы "елес": полицейлер алғашқы нәтиже туралы айтты

Батыс Қазақстан облысы Полиция департаментінің өкілдері аудан әкімінің тапсырмасын орындаумен айналысатындарын айтты.

Таяуда Ғали Есқалиев ОКҚ брифингінде полицейлерге ауыл тұрғындарының есін шығарған елеске қатысты ақпаратты тексеруге тапсырма бергенін атап өткен болатын.

Одан бөлек, әлеуметтік желіде "Охотники за привидениями" атты фильмдегі музыкамен кетіп бара жатқан полицейлер туралы әзіл видео тараған.

Еске салайық, Ханкөл ауылының тұрғындары шашын жалбыратқан қыздан үрейленіп отырғанын айтты. Олардың айтуынша, елес терезені қағады және тасжолдың бойында жүргізушілерді қорқытады. Жүргізушілердің кейбірі елес көліктің ішінде пайда болып, айдауға кедергі жасайтынын айтады.

Кейін Ауыл әкімі жергілікті имам және ақсақалдармен бірге "қара күштен" құтылу үшін құрбан шалды деген хабар тараған. Алайда БҚО Жусандыой ауылдық округінің әкімі Талап Қазиев "құрбан шалдық, бірақ елес үшін емес" деген болатын.

  tengrinews.kz