Киік етін өңдеу: Қай өңірлерде комбинаттар іске қосылуы мүмкін

Экология және табиғи ресурстар министрі Ерлан Нысанбаевтың айтуынша, қазір киік етін өңдеу мәселесі күн тәртібінде тұр. Бұл бағытта Ауыл шаруашылығы министрлігімен бірлесіп тиісті жұмыстар жүргізілуде.
Министрдің мәліметінше, елімізде 13 ет комбинаты киік етін қабылдап, өңдеуге дайын, деп хабарлайды Jambylinfo.kz
Бұл кәсіпорындар тәулігіне 3700 басқа дейін өңдей алады.
Киік етін өңдеумен бұл жануарлар көптеп таралған өңірлер айналыспақ. Атап айтқанда, Батыс Қазақстан, Атырау, Ақтөбе, Қостанай, Ақмола, Қарағанды және Павлодар облыстарындағы комбинаттар жұмысқа кірісуге дайын.
Сондай-ақ, 27 мамырда Экология және табиғи ресурстар вице-министрі Нүркен Шәріпов киік популяциясына қатысты Зоология институтының ғылыми қорытындысы 1 маусымға дейін дайын болады деп мәлімдеген еді. Алайда әзірге зерттеу нәтижелері толық аяқталған жоқ.