Атырау облысында тасқыннан зардап шеккен 1200-ден астам құлсарылық баспанасын қалпына келтіру үшін өтемақы алды, деп хабарлайды jambylinfo.kz.

Әкімдіктің дерегінше, 758 тұрғынға баспана сатып алуға және 451 азаматқа жөндеу-қалпына келтіру жұмыстарына қаражат берілген. 

«Бүгінде техникалық зерделеу қорытындысын қайта қарау жұмыстары жүріп жатыр. Мамандар тұрғындардың берген өтініштерінде көрсетілген ескертулерді назарға ала отырып, жүзеге асырып жатыр»,-деп жазылған хабарламада.

Еске салайық, бұған дейін таратылған ресми ақпарат бойынша, жылжымайтын мүлікті бағалау комиссиясына барлығы 2 727 өтініш түсіп, 1000-ға жуық үй апатты деп танылған.