Орал қаласындағы Самал көшесінде орналасқан тоғыз қабатты тұрғын үйдің алтыншы қабатындағы баспалдақ алаңында жеке заттар өртенді, деп хабарлайды Jambylinfo.kz 

Оқиға орнына Төтенше жағдайлар министрлігінің бөлімшелері жедел жетті. Құтқару жұмыстары барысында баспалдақ маршы арқылы 6 адам, оның ішінде 4 бала қауіпсіз жерге шығарылды. Тағы 30 тұрғын өз бетінше эвакуацияланды.

Өрт сөндірушілердің жедел әрі үйлесімді іс-қимылдарының нәтижесінде өрт шағын аумақта сөндірілді.

ТЖМ азаматтарды баспалдақ маршылары мен алаңдарын жанғыш материалдармен, жиһазбен және жеке заттармен толтырмауға шақырады. Бұл эвакуацияға кедергі келтіріп, өрттің таралу қаупін арттырады.