Павлодар облысында кәсіпкерге шабуыл жасады деген күдікпен бір топ адам бірнеше айдан кейін ұсталды, - деп хабарлайды Jambylinfo.kz 

Олар қаңтар айының соңында іздеуге жарияланған. Қылмыс Екібастұз қаласында болған. Жәбірленуші — кәсіпкер. Белгілі болғандай, қаскөйлер оны азаптап, үйінен бағалы заттар мен ақшаны алып кеткен.

Полиция дерегінше, шабуылға ұшыраған адам — өңірдегі ірі күзет ұйымдарының бірінің директоры. Күдіктілер оның пәтеріне кіріп, 11 миллион теңгеден астам сомаға бағаланатын мүлкін ұрлаған.

"Күдіктілердің үйін тінту кезінде қылмысқа қатысы бар заттай айғақтар табылды. Қазіргі таңда тергеу амалдары жалғасып жатыр. Күдіктілер уақытша ұстау изоляторына қамалды", – деді ұйымдасқан қылмысқа қарсы күрес басқармасының бастығы Ғабит Қабдрахманов.