Тергеу деректері бойынша, ол 2003 жылы Узбекистаннан Ресейге Қазақстан арқылы есірткі тасымалдаған қылмыстық топтың мүшесі болған. Ер адам героин мен апиынды тасымалдап, сақтап, басқа қатысушыларға жеткізумен айналысқан, деп хабарлайды Jambylinfo.kz 

Сол жылы Қызылорда мен Қарағанды облыстарында арнайы операциялар жүргізіліп, бірнеше адам ұсталған. Олардың үстінен қылмыстық іс қозғалып, 35 келі героин мен 28 келі апиын тәркіленген. Тергеу мен сот нәтижесінде олар нақты мерзімге сотталған. Ал күдіктілердің бірі сол кезде қашып кетіп, халықаралық іздеуге жарияланған.

2024 жылдың желтоқсанында ол Ресейдің Самара облысында ұсталды. Қазақстан Бас прокуратурасының сұрауы бойынша, ол елге қайтарылып, қазір тергеу изоляторында отыр. Оған 15 жылға дейін бас бостандығынан айыру және мүлкін тәркілеу жазасы тағайындалуы мүмкін.