Шошқа фермасындағы дау: кәсіпорынға 7,2 миллиард теңге айыппұл салынды
Шошқа фермасындағы дау: кәсіпорынға 7,2 миллиард теңге айыппұл салынды
Ақтөбе облысы Бестамақ ауылындағы шошқа фермасының экологияға келтірген зияны 7,2 миллиард теңге деп бағаланды. Кәсіпорынға айыппұлды төлеуіне бір ай уақыт берілді.
Облыстық экология басқармасының басшысы Нұржан Аққұл кәсіпорынды тексеру нәтижелері туралы хабарлап, "Парижская Коммуна 21" ЖШС ауыл маңындағы траншеяларға көміп тастаған өндірістік және биологиялық қалдықтардың ауданы 5,6 гектар болғанын айтты.
Тексерушілердің сөзінше, жоба бойынша 40 мың бас шошқаның орнына фермада 50 мыңнан аса бас болды. Ферма экология департаментіне сұратылған мәліметтерді ұсынбағаны үшін қозғалды әкімшілік істер қозғалды.
"Парижская коммуна 21" фермасының жұмысы 2011 жылдан бері тексерілмегені анықталған.
Ақтөбе облыстық ветеринария басқармасының басшысы Кеңес Қанабаевтың сөзінше, траншеядан шығарылған 189 тонна биоқалдықтардың 39 тоннасы химиялық әдіспен жаратылған, бұл бойын жұмыс жүргізіліп жатыр.
Ақтөбе облыстық ветеринарлық инспекция басшысы Темірбек Нұртазиннің айтуынша, шошқаның бір басын сойған кезде 8,5 келі қалдық шығарылады. Бестамактағы шошқа фермасында күніне 300 бас шошқа сойылған, сондықтан күнделікті қалдықтардың көлемі 2550 келі болған.
Ет және сүйек қалдықтарын экструзиялау және шығару желісінің қуаты сағатына - 500 келі, барлық қалдықты өңдеуге және жемге жіберуге болады, бірақ бұл бойынша да жұмыс істелмеген. Темірбек Нұртазиннің сөзінше, ферманың жанынан 5700 келі жүк табылған, олар өртелді.
Еске салайық, 19 қарашада Ақтөбе облысы Алға ауданы Бестамақ ауылының 80-нен астам тұрғыны шошқа фермасын жабуды талап етіп, наразылыққа шыққан болатын. Олардың айтуынша, шошқа қалдығы өзен суына аққан.
Артынша Ақтөбе облысының әкімі жағдайға қатысты пікір білдірді. Оңдасын Оразалин бұл дауда екі мәселе барын, шара барысы жеке бақылауында екенін айтқан болатын.