Тұрсынбек Қабатов 5 күнге қамалды
Бұл туралы тәуелсіз журналист Михаил Козачков Жоғары сотқа сілтеме жасай отырып, өзінің телеграм арнасында жазған.
Белгілі әзілкеш Тұрсынбек Қабатов ұшақ бортында мас күйінде әдепсіз сөздер айтқаны үшін 5 күнге қамауға алынған, деп хабарлайды jambylinfo.kz
Сот ұсақ бұзақылық жасаған әзілкештің ісін қарап, шешім шығарған.
Сот айыпталушы Тұрсынбек Қабатовқа қоғамдық орында дөрекі мінез-құлық танытқаны үшін жаза тағайындаған.
Осылайша, әзілкеш ӘҚБтК-нің 434-бабының 1-бөлігінде көзделген әкімшілік құқық бұзушылықты жасағаны үшін кінәлі деп танылып, 5 тәулікке қамауға алынған.
Қаулы заңды күшіне енген жоқ.