Жаңбыр, найзағай және дауыл: алдағы үш күнде қазақстандықтарды қандай ауа райы күтіп тұр
«Қазгидромет» синоптиктері 12–14 тамыз аралығындағы Қазақстанның ауа райы болжамын ұсынды
Болжамға сәйкес, алдағы үш күнде елдің солтүстік-батысы мен солтүстігінде қатты жаңбыр жауып, кей аймақтарда бұршақ пен дауыл соғады, деп хабарлайды Jambylinfo.kz
Мұндай құбылысқа солтүстік-батыс циклоны себеп болады. Тек Қазақстанның оңтүстігінде ғана ыстық ауа райы сақталып, жауын-шашын күтілмейді.
Көптеген өңірде желдің күшеюі болжанып отыр. Түнгі және таңғы уақытта солтүстік пен шығыста тұман түсуі мүмкін.
Елдің басым бөлігінде ауа температурасы сәл төмендейді:
Батыста түнде 13–18 градус, күндіз 23–31 градус;
Солтүстік-батыста түнде 8–20 градус, күндіз 18–28 градус;
Солтүстікте түнде 10–17 градус, күндіз 18–23 градус;
Оңтүстікте түнде 13–23 градус, күндіз 27–37 градус.
Басқа өңірлерде температурада айтарлықтай өзгеріс болмайды.